قالوا حروفي عمي وعيونك بــروق
مافي قصيدي جنح ليـــلٍ وبــــــارق

قلت الذي له داخل ضلوعي حــروق
أقرب من اللي في سما الناس شارق

غيري يشوفك وأجود الشعر مطروق
وأنا أحسّــــك وأصدق الحــب فارق

ياللي عيونــك دم وعيونـــك عـروق
ولهاث قلـــبٍ في نواعسـك غـــارق

أقول أحبك يخرج البحر صنــــــدوق
تبـرالغـزاة و كنز سود البيـــــارق

وأقـول أحبــك صدرالايــام مشقــوق
عن وجه غرناطه وعن مهر طارق

وأقول أحبك والله إني من الشـــوق
ألقا طيوفـك في جميــــع المفــارق

كتبــت لك قلــبٍ من القلــب مســروق
ولاطاب لي وصفٍ من الوصف سارق